ඒ, ඊයේ (28) පැවැති ජනාධිපතිවරණයෙන් මදුරෝ සහ ඔහුගේ එක්සත් සමාජවාදී පක්ෂය සියයට 50 කට වඩා වැඩි ඡන්ද ප්‍රතිශතයක් දිනා ගැනීමත් සමඟයි.

නිකලස් මදුරෝ යනු, වෙනිසියුලානු අසහාය නායක හියුගෝ චාවේස්ගේ අනුප්‍රාප්තිකයායි. 

මදුරෝ, මීට වසර 11 කට පෙර, වෙනිසියුලාවේප ජනපති ධුරයට පත්වූයේ චාවේස්ගේ අභාවයෙන් පසු පැවැති ජනාධිපතිවරණයෙන්. 

මදුරෝට අභයෝග කිරීමට විපක්ෂ නායක එඩ්මුන්ඩෝ ගොන්සාලේස් උරුටියා උත්සාහ ගත් නමුත් සියයට 44 ක ඡන්ද ප්‍රතිශතයක් පමණයි.

විපක්ෂ නායක එඩ්මුන්ඩෝ, ජනාධිපතිවරණයට ඉදිරිපත් වූයේ වෙනිසියුලා විපක්ෂ දේශපාලන කණ්ඩායම් හවුල් කර ගනිමින් පිහිටුවූ සන්ධානයෙන්.

දශක ගණනක් තිස්සේ වෙනිසියුලාව ආර්ථික වශයෙන් අර්බුදයකට මුහුණ පා සිටී. ඇමෙරිකාව ද වෙනිසියුලායට සම්බාධක රැසක් පනවා ඇති අතර, ආර්ථික අර්බුදය උත්සන්න කිරීමට එය හේතුවක් බව පැවැසෙනවා.

මේ වනවිට මිලියන 7 කට වැඩි වෙනිසියුලානුවන් පිරිසක් රට හැර ගොස් තිබෙන අතර මෙවර ජනාධිපතිවරණයේදී ඡන්දය ප්‍රකාශ කීරීමට මිලියන 21 ක් ඡන්දය ප්‍රකාශ කිරීමට සුදුසුකම් ලබා සිටි බවයි විදෙස් මාධ්‍ය වාර්තා කළේ.

මේ අතර වෙනිසියුලානු ජනාධිපතිවරණයෙන් නිකොලස් මාදුරෝ ජයග්‍රාහකයා ලෙස ප්‍රකාශ කර ඇති බව විදෙස් මාධ්‍ය වාර්තා කළා.

61 හැවිරිදි නිකොලස් මාදුරෝ, වෙනිසියුලාවේ ජනාධිපතිවරණයේ ජයග්‍රාහකයා ලෙස මැතිවරණ අධිකාරිය විසින් ප්‍රකාශයට පත් කර තිබෙනවා.

ජාතික මැතිවරණ කවුන්සිලයේ ප්‍රධානී එල්විස් අමොරොසෝ පවසන්නේ සියයට 44ක් ලබා ගත් විපක්ෂ අපේක්ෂක එඩ්මුන්ඩෝ ගොන්සාලෙස් අභිබවා යමින් මදුරෝ සියයට 51ක ඡන්ද ප්‍රතිශතයක් ලබා ගත් බවයි.