ශ්රී ලංකාවෙන් තවත් මුදලක් පලස්තීනයට
ඒ, ජනාධිපති රනිල් වික්රමසිංහ මහතාගේ ප්රධානත්වයෙන් ජනාධිපති කාර්යාලයේදීයි.
ඊට අදාළ නිල ලිපි ලේඛන ශ්රී ලංකාවේ පලස්තීන තානාපති ආචාර්ය සුහයිර් එම්.එච්. සෙයිඩ් සහ එක්සත් ජාතීන්ගේ සහන වැඩ නියෝජිතායතනයේ එක්සත් ජාතීන්ගේ ශ්රී ලංකා නිත්ය නේවාසික නියෝජිත අසූසා කුබෝටා යන මහත්ම මහත්මින් වෙත ජනාධිපතිවරයා විසින් භාර දී තිබෙනවා.
ජනාධිපති රනිල් වික්රමසිංහ මහතා අමාත්ය මණ්ඩලය වෙත කරන ලද යෝජනාවක් අනුව 2024 මාර්තු මස 04 වන දින පැවති අමාත්ය මණ්ඩල රැස්වීමේ දී ගාසා තීරයෙහි පවත්නා යුධමය තත්ත්වය හේතුවෙන් එම ප්රදේශයේ සිරවී සිටින මිලියනයකට ආසන්න ළමුන්ගේ අත්යවශ්ය වියදම් පියවා ගැනීම සඳහා මූල්යාධාර ලබා දීම පිණිස ශ්රී ලංකා රජයෙන් අමෙරිකානු ඩොලර් මිලියනයක මුදලක් ප්රදානය කිරීමට අමාත්ය මණ්ඩල අනුමැතිය හිමිව තිබුණා.
අමාත්යාංශ සහ රජයේ ආයතන පසුගිය ඉෆ්තාර් සැමරුම පැවැත්වීමට වෙන් කර තිබූ ප්රතිපාදන ද මෙම අරමුදල වෙත ලබා දෙන ලෙස ජනාධිපතිවරයා කළ ඉල්ලීමට අනුව අරමුදල වෙත ලැබුණු අමෙරිකානු ඩොලර් මිලියනයක මුදල පළමු අදියර යටතේ 2024-04-01 දින පලස්තීන රජය වෙත පරිත්යාග කිරීමද සිදු කෙරුණා.
එමෙන්ම ජනාධිපතිවරයා කළ ඉල්ලීම අනුව ව්යාපාරික ආයතන, විවිධ සංවිධාන හා පොදු මහජනතාව විශාල වශයෙන් එම අරමුදල සමඟ අත්වැල් බැඳගත් අතර ඒ අනුව 2024 ජූලි 31 දින දක්වා අරමුදල වෙත ලැබුණු අමෙරිකානු ඩොලර් පන්ලක්ෂ අනුදහසක මුදල ද මෙලෙස පලස්තීන රජය වෙත භාර දීම සිදු කළ බවයි ජනාධිපති මාධ්ය අංශය සඳහන් කළේ.
අරමුදල සඳහා දායකවීමේ අවස්ථාව 2024 ජූලි 31 දිනෙන් අවසන් කෙරුණු අතර ඒ සමඟ මානුෂිකත්වයෙන් අත්වැල් බැඳ ගත් සියලු ජනතාවට ජනාධිපති රනිල් වික්රමසිංහ මහතාගේ සහ ජනාධිපති කාර්යාලයේ ස්තූතිය පිරිනමා තිබෙනවා.
Related News
ප්රධාන පුවත්
පළාත් කිහිපයකට අදත් වැසි
කාලගුණයෙන් රතු නිවේදනයක්
විජයදාස රාජපක්ෂ ඉල්ලා අස්වෙයි
කාලගුණයෙන් රතු නිවේදනයක්
කාලගුණයෙන් රතු නිවේදනයක්
ජනාධිපතිවරණයේ දිනය ප්රකාශයට පත් කෙරේ
ජනපතිවරණ දිනය ප්රකාශ කිරීම හෙට
ධීවර හා නාවික ප්රජාවට කාලගුණයෙන් රතු නිවේදනයක්
හිරුණිකාට ඇප
වැසි වැඩි වෙයි
ධීවර සහ නාවික ප්රජාවට රතු නිවේදන
හෙට සිට වැසි තත්ත්වයේ වැඩිවීමක්
අතුරුගිරියේ වෙඩිතැබීමක් - ක්ලබ් වසන්ත මරුට
වැසි තත්ත්වය තවදුරටත්
අදත් වැසි
අපගේ පුවත් වෙබ් අඩවිය වෙත සාදරයෙන් පිළිගනිමු. දේශීය හා ගෝලීය වශයෙන් නවතම සිදුවීම් පිළිබඳව ඔබව දැනුවත් කරමින් අපගේ පාඨකයන්ට නිවැරදි සහ අදාළ තොරතුරු ලබා දීමට අපි උත්සාහ කරමු. සවිස්තරාත්මක පුවත් ආවරණය සහ ගැඹුරු වාර්තාකරණය සඳහා අප හා සම්බන්ධව සිටින්න.
සබැඳි
නවතම පුවත්